4 сарын 1 Инээдмийн баярын өдрийг тохиолдуулан сумын Соёлын төвөөс Хэнтий аймгийн Биндэр сумын Баянгол багийн харьяат Соёлын биет бус өвийг өвлөн уламжлагч, шог зураач, элэглэгч, ахмад настан Б. Бадарчийн шог зургийн ХАЧИРТАЙ ИНЭЭД-2 гар зургийн бүтээлийн үзэсгэлэн зохион байгуулагдав. Уг үзэсгэлэнд уран бүтээлчийн 150 гаруй бүтээл тавигдсан бөгөөд цагаахан инээдээр ухаарал хайрласан хошин зургууд, онцлог төрхөөр нөхөрсөг элэглэсэн хөрөг зургууд олны анхаарал татсан давтагдашгүй бүтээлүүд байлаа.

Нэгэн цаг үед сумын Клубийн эрхлэгч, Холбооны эрхлэгч, ИТХ-ын Тэргүүлэгчдийн нарийн бичгийн даргаар ажиллаж сумын хөгжил цэцэглэлтэд үнэтэй хувь нэмрээ оруулж явсан ахмаддаа ИТХ-ын дарга А.Уртнасан, Соёлын төвийн эрхлэгч Г.Дэлгэрмаа, Ахмадын хорооны дарга Ц.Сайханжаргал нар хүндэтгэл үзүүллээ.

 

ИТХ-ЫН АЖЛЫН АЛБА